ಸುದ್ದಿ ಸಮಾಚಾರ:
ಹೊಸದಾಗಿ ನೇಮಕವಾಗಿ, ಕಚೇರಿಗೆ ಆಗಮಿಸಿದ ಪ್ರಾಧಿಕಾರದ ಅಧ್ಯಕ್ಷರು/ ಸದಸ್ಯರುಗಳನ್ನು ಸ್ವಾಗತಿಸಿದ ಸಂದರ್ಭ - ಹೆಚ್ಚಿನ ಮಾಹಿತಿಗೆ | ಪುಸ್ತಕ ಕೊಳ್ಳುವ ಬಗೆ... - ಹೆಚ್ಚಿನ ಮಾಹಿತಿಗೆ |

ನಮ್ಮ ಪುಸ್ತಕಗಳು

ತೀ.ನಂ.ಶ್ರೀ. ಸಮಗ್ರ ಗದ್ಯ ಸಂಪುಟ

ತೀ.ನಂ.ಶ್ರೀ. ಸಮಗ್ರ ಗದ್ಯ ಸಂಪುಟ

ಪುಸ್ತಕ ಸೂಚಿ

ಆಚಾರ್ಯ ತೀ ನಂ ಶ್ರೀ ಕನ್ನಡದ ಬಹುಶ್ರುತ ವಿದ್ವಾಂಸರು . ಅವರ ಬರಹಗಳನ್ನು ಒಂದು ಕಡೆ ಸೇರಿಸಿ ಪ್ರಕಟಿಸುತ್ತಿರುವುದು ಇದು ಎರಡನೆಯ ಬಾರಿ . ಶ್ರೀ ಜಿ ಎಸ್ ಶಿರುದ್ರಪ್ಪನವರು ಮೌಲಿಕವಾದ ಸಂಪಾದನಾ ಬರಹವನ್ನು ಪ್ರಾಸ್ತಾವಿಕ ಮಾತುಗಳಾಗಿ ಆಡಿರುವ ಈ ಕೃತಿಯು ಪ್ರಮುಖವಾಗಿ ಎಂಟು ಭಾಗಗಳನ್ನುಳ್ಳ ವಿಸ್ತಾರವಾದ ಕೃತಿಯಾಗಿದೆ . ಸಂಸ್ಕೃತ , ಹಳಗನ್ನಡ , ಹೊಸಗನ್ನಡ , ಭಾಷೆ - ಭಾಷಾವಿಜ್ಞಾನ , ಛಂದಸ್ಸು , ಇತರರ ಕೃತಿಗಳಿಗೆ ಬರೆದ ಮುನ್ನುಡಿ ಮತ್ತು ಬಿಡಿ ಲೇಖನಗಳು , ಲಲಿತ ಪ್ರಬಂಧ ಹಾಗೂ ತೀ ನಂ ಶ್ರೀರವರು ಬರೆದ ಪುಸ್ತಕಗಳ ಅರಿಕೆ ಇದರಲ್ಲಿ ಅಡಕವಾಗಿದೆ . ಸಂಸ್ಕೃತ ಕವಿಚರಿತೆ ಮತ್ತು ವಾಲ್ಮೀಕಿ - ವ್ಯಾಸ , ಕಾಳಿದಾಸರ ಕಾವ್ಯಗಳ ವಿವೇಚನೆಯ ಜೊತೆಗೆ ಧನಂಜಯನ ದಶರೂಪಕದಂತಹಾ ಶಾಸ್ತ್ರಕೃತಿಯ ವಿವೇಚನೆ ಇಲ್ಲಿದೆ . ಆದಿಕವಿ ಪಂಪನ ಮೇಲೆ ಅವರ ಕಾರ್ಯ ಮಹತ್ತರವಾದದ್ದೆನ್ನುವುದು ಅವುಗಳನ್ನು ಓದಿದವರು ಎಂದಿಗೂ ಅಲ್ಲಗೆಳೆಯಲಾರರು . ಜನ್ನನ ಕಾವ್ಯದ ಮೇಲೆ ನಡೆದ ಚರ್ಚೆಯು ಕನ್ನಡ ಸಾಹಿತ್ಯದ ಬಹುದೊಡ್ಡ ಸಂವಾದಕ್ಕೆ ಎಂದು ಮಾದರಿಯೇ ಸರಿ .‌ ಇದಲ್ಲದೆ ಭಾಷಾ ವಿಜ್ಞಾನ ಮತ್ತು ಛಂದಸ್ಸಿನ ಮೇಲಿನ ಕಾರ್ಯ ಇಂದಿನ ತುರ್ತನ್ನು ನೆನಪಿಸುವ ಕಾರ್ಯವನ್ನು ಮಾಡುತ್ತಿದೆ . ಸಮಕಾಲೀನ‌ ಹಿರಿ ಕಿರಿಯರನ್ನು ಗ್ರಹಿಸುತ್ತಿದ್ದ , ಗೌರವಿಸುತ್ತಿದ್ದ ರೀತಿಗೆ ಅವರ ಆರನೆಯ ಭಾಗದಲ್ಲಿನ‌ ಬಿಡಿ ಲೇಖನಗಳು ಸಾಕ್ಷಿಯಾಗಿದ್ದು ಸಮಕಾಲೀನ ಸಂವಾದಗಳಿಗೆ - ವಾಗ್ವಾದಗಳಿಗೆ ಇರಬೇಕಾದ ಒಂದು ವಸ್ತುನಿಷ್ಟತೆಯನ್ನು ತಿಳಿಸುತ್ತಿದೆ . ಲಲಿತ ಪ್ರಬಂಧಗಳು ವಿಶೇಷವಾಗಿದ್ದು ಅದರಲ್ಲಿ ಪ್ರವಾಸಿಯ ಪೆಟ್ಟಿಗೆಗಳು ಎಂದಿಗೂ ಮಾದರಿಯಾಗಿದೆ. ಇದು ಪುತಿನ ರಿಗೆ ಬರೆದ ಪತ್ರವೇ ಆಗಿದೆ.

  • ಗುರುತು ಸಂಖ್ಯೆ.

    KPP 0415

  • ಲೇಖಕರು

    ತೀ.ನಂ.ಶ್ರೀಕಂಠಯ್ಯ

  • ಭಾಷೆ

    ಕನ್ನಡ

  • ಪ್ರಕಟಿತ ವರ್ಷ

    2018

  • ಐಎಸ್‌ಬಿಎನ್‌

  • ಬೆಲೆ

    580/-

  • ರಿಯಾಯಿತಿ

    15%

  • ಪಾವತಿಸಬೇಕಾದ ಮೊತ್ತ

    ₹ 493/-

  • ಪುಟಗಳು

    786

ನೆಚ್ಚಿನ ಪುಸ್ತಕ ಖರೀದಿಸಿ